رواية راائعة للكاتبة مجهولة الصغيرة مكتملة لجميع فصول... ( تزوجني ولكن )
هييجي امتي عشان نتفق غبي كل حاجة
هنادي هو بييجي من الشغل علي بالليل كدة وانا عازماكم علي العشا النهاردة اهو نتعشي مع بعض وبالمرة نتكلم في
الموضوع دا
جميلة طب يلا دلوقتي عشان نخلص شغلنا
قعدوا كلهم مع بعض وكملوا شغلهم عدي الوقت وجه الليل كانوا التلاتة في بيت هنادي بيخلصوا طبخ خبط الباب وراحت اسماء تفتح لاقته محمد
طلعها من سرحانها صوت هنادي من المطبخ مين ي اسماء اللي بيخبط
اسماء بصوت عالي عشان تسمعها دا محمد ي هنون
هنادي طب تعالي يلا
دخلت لهم المطبخ وهي باين عليها الزعل اول ما شافتها هنادي عرفت ايه السبب
اخدت اسماء الاطباق ومثلت هنادي انها بتساعدها وطلعت برة معاها
هنادي وهي بتطبطب علي اسماء متزعليش ي سوسو انتي عارفة انه تعبان بس
اسماء انا عارفة هو بيتجاهلني ليه انا حاولت افهمه ان حسن كداب وان مفيش حاجة حصلت ما بينا بس هو مش راضي يصدقني ومرضيش يسمعني
هنادي كل حاجة بتاخد وقتها وبتتصلح وبترجع زي الاول اهدي انتي بس وان شاء الله محمد هيعرف الحقيقة
جميلة بصوت عالي اسماء هنادي تعالوا يلا
دخلوا المطبخ وهما بيبتسموا عشان متحسش بحاجة
جميلة بتعملوا ايه دا كله يلا ساعدوني زمان محمد جعان وعاوز ياكل
هنادي كنا بنحط الاطباق ومحمد زمانه لسة بيغير هدومه
جميلة ايدكم معايا بسرعة عاوزين نجهز السفرة
طلعوا وحطوا الاكل وراحت هنادي تنادي لمحمد خبطت علي الباب ودخلت لقت محمد قاعد
محمد مليش نفس ي ماما
هنادي ايه الكلام دا ي محمد انت مكلتش من الصبح
محمد انا عاوز انام ومليش نفس
هنادي لحظت حزنه قعدت جمبه علي السرير
هنادي ايه اللي مزعلك ي ابني
محمد انت عارفة ايه اللي مزعلني ي
ماما
هنادي ي ابني انسي بقي انت موهوم كلنا حاولنا نقنعك ان مفيش حاجة حصلت ابدا
محمد واصدق ازاي وانا شايفهم بعينيا انا كان استحالة اتصور انها كدة حاولت اكدب عيني بس مقدرتش
يتبع
تزوجني_و_لكن
بقلمي_الكاتبة_الصغيرة الفصل الثالث
محمد واصدق ازاي وانا شايفهم بعينيا انا كان استحالة اتصور انها كدة حاولت اكدب عيني بس مقدرتش
هنادي ي ابني افهم بقي هما كانو عاوزينك تشوف الحاجة اللي هما عاوزينك تشوفها بس والله ما حصل حاجة وعاوزاك تعرف ان بطريقتك دي هتخسر اسماء وهتندم ووقتها الندم مش هيفيد
هنادي مش هنتكلم بس قوم معايا عشان تاكل احنا عاملين الاكل اللي بتحبه ومش عاوزة اسمع كلمة مليش نفس انت لو مكلتش انا مش هاكل
محمد حاضر
هنادي ايوة كدة اطلع قدامي يلا
طلعوا من الاوضة وكانت جميلة واسماء مستنيينهم
جميلة دا كله دا احنا فكرناكم نمتوا
هنادي معلش يلا دلوقتي بقي بسم الله
قعدوا يتعشوا وطول الوقت كانت اسماء بتبص لمحمد واللي كان متجاهلها ومركز في الاكل بس وجميلة وهنادي اللي بيتكلموا خلصوا اكل وشالوه
هنادي بص بقي ي محمد احنا هنتفق علي كل حاجة تخص الفرح
محمد انا داخل انام وانتو اتفقوا براحتكم
هنادي محمد اقعد مكانك احنا هنتكلم جمع
في الوقت دا الدموع اتجمعت في عين اسماء لانها اتاكدت من رفضه ليها وانه مڠصوب
قعد محمد وهو متعصب لانه مش عاوز الجوازة من الاول بس دا كله عشان مامته وعشان ميزعلهاش
هنادي بصي ي اسماء احنا بكرة باذن الله هننزل نجيب الشبكة وتختاري اللي انتي عاوزاه
جميلة ومالوا ياختي بس مش ملاحظة ان بكرة دا يبقي بسرعة
هنادي لا سرعة ولا حاجة ومتقلقيش ي جميلة انا مجهزة نفسي لليوم دا وهو انا عندي كام اسماء
اتاثرت اسماء وراحت حضنتها وهنادي بادلتها الحضن
محمد خلاص مش اتفقنا انا هدخل انام
دخل وسابهم من غير ما يسمع ردهم ودا اللي غاظ هنادي
هنادي وهي بتحضن اسماء استحملي ي حبيبتي وهو هيتغير بس انتي ادعي ان ربنا يهديه ويصدق بقي
جميلة هنادي عندها حق كلنا عارفين انه بيحبك ومش هيقدر يبعد عنك اكتر من كدة
اسماء لا ي ماما قدر انه يبعد والحب اللي ما بينا اختفي ودا كان زمان
جميلة ربنا يصلح حالكم يلا احنا دلوقتي عشان الوقت اتاخر
هنادي تمام بس
تصحي بكرة ي اسماء وتجهزي نفسك ولو علي محمد انا هصحيه ڠصب عنه
اسماء بس هو عنده شغل وممكن ميقدرش
هنادي هو الواحد بيخطب كام مرة هيفضي نفسه ڠصب عنه قال شغل قال روحوا انتو ارتاحوا وكل حاجة هتمشي صح
ودعوا هنادي وروحوا بيتهم دخلت اسماء الاوضة وهي فرحانة وزعلانة في نفس الوقت فرحانة انها اخيرا هتتجوز اللي هي بتحبه وزعلانة ولانها حاسة انه مڠصوب علي الجوازة
رجعت بذاكرتها لتلات سنين وهي كانت قاعدة مع محمد وكانوا في قمة سعادتهم وقتها ومكنتش تعرف انه هيكون آخر مرة تقعد معاه وهي مبسوطة
من تلات سنين كانت قاعدة في الجامعة مع محمد وهي
