اسكريبت قصير و جديد حب في السر كاملة

اسكريبت_كامل
_انا مالي يا بابا اخوك وصاك على بنته قبل ما ېموت ذنبي ايه اني اتجوزها 
_سراج انت بتقول عمك وصاني على بناته ومفيش غير هاجر بس اللي موجوده معانا يبقى انت اللي تتجوزها
_وانا ذنبي ايه اتجوز بنت اخوك دي دي حتى مش بتعرف تتكلم كلمتين على بعض
زعق بصوت عالي_ سرااااج خلااااص قولتلك هتتجوز هاجر ولا لا بلاش غلط 
سراج اتكلم باعتراض_ لا بنت اخوك دي مستحيل اتجوزها 
باباه وقفه بإيده _ خلاص ! انت واللي قولت اللي عندك وانا قولت اللي عندي بس اعرف انك في يوم هتندم اكيد

سراج ضحك بسخرية وبعدها دخل الاوضه في الوقت ده انا كنت هدخل الشقه فسمعت عمي وهو بيكلمه وقتها انا مش بحبه ولا عمري فكرت فيه كمان بس الموضوع وجعني اوي ده رأيه فيا و ازاي اصلا عمي يفكر في كده ويقوله اعرفكم بنفسي انا هاجر تانيه كلية إعلام حلمي من سنين بعد ۏفاة بابا وماما كانت هنا اختي اتجوزت مكنش قدامي غير عمي اقعد معاهم لأن مكنش ينفع اقعد لوحدي وانا بنت كان من زمان حلمي اكون مذيعه مشهوره مع إن شخصيتي خجوله وبخاف من اقل حاجه بس بحب الكلية وعندي امل في يوم اتخلص من الرهب الجماعي ده المهم نزلت من عند عمي وروحت شقة اختي 
_قلب خالتوا وحشتني يا مالك 
_ وانت كمان خالتوا وحثتيني
ابتسمت _روح قلبي فين ماما 
هنا اتكلمت من جوا_تعالي يا هاجر انا هنا
سمعت صوتها جاي من المطبخ ضحكت ودخلت عندها بعد ما نزلت مالك 
_ نفسي في مرا ادخل الاقيكي مش بتطبخي 
_ودي تيجي وحسام يجي يأكل ايه 
ضحكت _ يطلب دليڤري 
ابتسمت بسخريه _ اااه ما هي الحياه يا اختي سهل كده
_ وحشتيني والله 
ابتسمت وهي وانتي كمان كنتي فين الفتره الفاتت مبتكلمنيش ولا بتيجي ليه 
ضحكت _ معييش رصيد وكمان كنت مشغوله 
_ربنا معاكي يا قمر
ابتسمت ووقفت جنبها حقيقي مشوفتش احلى منها ربنا كرمني بيها 
هنا بصتلي وسألت_شكلك متغير مالك زعلانه من حاجه 
اتنهدت _ عمك طلب من سراج يتجوزني وهو رفض
شهقت بخضه_ وانتي عرفتي منين 
_ كنت داخله الشقه وسمعتهم 
اتكلمت بضيق_ وازاي عمك يعمل كده 
_ مش عارفه والله يا هنا
اتكلمت بترقب_وانتي كنتي موافقه عليه 
اتكلمت بضيق _ لا طبعا يا رنا انتي بتقولي ايه انا عمري ما فكرت في سراج ده 
_ طيب انتي زعلانه ليه متزعليش متخليش كلامه يأثر فيكي 
_ انا مش زعلانه انا زعلانه من الموقف بس مكنتش اعرف إن هتحط في موقف زي كده !
_ متحطيش في بالك ولا اكنك سمعتي حاجه
هزيت راسي وابتسمتلها وهي عملت عصير بعد ما كلت سندوتشات في المطبخ عندها وطلعنا قعدنا مع بعض بعدها رجعت بيت عمي وحاولت مبينش حاجه
_ مرات عمي احلى الستات 
_تعالي يا ست هاجر ايه اللي اخرك كل ده 
_ كنت عند هنا اختي بقالي كتير مشفتهاش 
_ طيب هي عامله ايه وابنها 
_الحمدلله بتسلم عليكي هدخل اغير واجي اساعدك 
_ لا متساعدنيش يا هاجر شوفي وراكي ايه وانا خلصت
دخلت غيرت بسرعه وطلعت فعلا كانت حطت الاكل على السفره نادت على سراج و عمي وقعدوا ياكلوا فمرات عمي اتكلمت 
_يلا يا هاجر تعالي كلي 
_بالف هنا يا مرات عمي انا كلت
عمي اتكلم _ كلتي فين يا هاجر 
_ كلت سندوتشات يا عمي بالهنا والشفا انتوا وانا هدخل اعمل عصير
دخلت المطبخ وطول الوقت كان سراج بيبصلي وانا مش ببصله خلصت وطلعت كانوا خلصوا اكل فحطيت العصير وشيلت السفره ومرات عمي سعدتني وطلعت قعدت جنبهم ف عمي اتكلم 
_ اخبار الكليه ايه يا هاجر 
ابتسمت _ الحمدلله يا عمي كويسه 
_ يعني مرتاحه فيها 
_ اه الحمدلله بحبها 
سراج اتكلم _ على فكره بقى إعلام دي ملهاش لازمه ليكي 
بصتله بسخريه _ ازاي بقى 
_ يا بنتي دي محتاجه قدرات مش انتي مش بتعرفي تقولي كلمتين على بعض
اتكلمت بتحدي_ بكره تشوف هتفوق فيها ازاي وهكون احلى اعلاميه
ضحك بسخرية _ بكره الجمعه 
_ظريف اوي
سيبتهم ودخلت اوضتي دايما بيستخف بيا و ب احلامي مش عارفه ليه بس بكره اوريه هعمل