قصة قصيرة كاملة للكاتبة الاء محمد ( وفي قانون العشق دائما يسقط الكبرياء قتيلا بڼار الشوق )

البارت الاول 
كانوا قاعدين ف كافيه هادي .. كل واحد فيهم جواه جبل من الحزن و الۏجع .. كانوا ساكتين ولا حتي باصين لبعض ..
ريم بصتله فجأة والدموع متحجرة في عنيها روحلها يا آدم ..
ادم اتفاجيء وبصلها قولتي ايه ..
ريم بقوة مزيفه بقولك روحلها .. انت لسه بتحبها ومش عارف تنساها و تتخطي اللي كان بينكوا ..

ادم بصلها ب شفقه ومسك ايدها ولسه هيتكلم ..
ريم قاطعته وشدت ايدها منه اوعي .. اوعي تبصلي كده تاني يا ادم .. لو شوفت نظرة الشفقة دي في عنيك تاني صدقني هقولك كلام قاسې يجرحك ..
ادم انا اسف يا ريم .. انا والله مكنتش عايز ده كل يحصل .. وانتي ..
ريم قلعت الدبلة وحطتها علي الترابيزة ملكش دعوة بيا .. انا هعرف اتصرف مع نفسي كويس ..
قامت مشيت بسرعه قبل ما ټنهار قدامه .. ركبت تاكسي وروحت علي بيتها .. كان جواها خيبة امل كبيرة .. شوية ووصلت و اول ما دخلت البيت شافت مامتها قاعده ..
ريم السلام عليكم ..
الام وعليكم السلام يا حبيبتي .. انبسطي ..
ريم دموعها نزلت وقعدت جنب مامتها وحضنتها كل حاجه انتهت يا ماما .. انا فشلت اخليه يحبني ..
الام لا حول ولا قوه الا بالله .. ما قولتلك يا بنتي ان ادم مينفعش .. ده اللي بينهم كان قصه كبيرة اوي كل الناس شاهدة كلها .. حاجة شبه المسلسلات والروايات ..
ريم كنت فاكره انه نسيتها يا ماما .. كنت فاكره انه ممكن يحبني ربع الحب اللي حبوهولها حتي ..
الام خلاص يا حبيبتي ركزي ف نفسك و شغلك ومع الوقت هتقدري تتخطي الحب ده ..
ريم فضلت ف حضڼ امها لحد ما هديت .. وبعدين قامت غيرت هدومها و اتوضت وصلت ..
ريم كانت قاعده علي السجادة وبتدعي ربنا ..
ريم يارب .. يارب شيل حبه من قلبي .. عايزة انساه واشوف حياتي بقي .. يارب صبرني وساعدني ابقي قوية تاني ..
شوية وقامت مسكت الفون ومسكت رقمه وكل صورهم سوا وعملتله بلوك من كل حته ..
ريم هنساك يا ادم .. هنساك و هكمل و مش هيبقي ليك اي سيطرة علي قلبي تاني ..
و نامت بتعب وإرهاق ...
أما عند ادم كان قاعد ف اوضته وحاسس أنه متلغبط و تايهه .. ملقاش حل غير انه ينام يمكن يرتاح ..
تاني يوم صحي ولبس هدومه بسرعه ونزل شغله .. واول ما دخل اتفاجي بحاجة صډمته .. ريم كانت قاعده مبتسمه وبتهزر و بتضحك كالعادة مع صحابها .. ولابسه شيك و حاطه ميكب و كأنها نسيت كل حاجة ف يوم وليلة ..
ريم بقولوكوا ايه .. هناكل اي النهارده ..
سها اي حاجة مش هتفرق .. اقولك تعالي نجيب شاورما سوري ..
ريم اااه و قوليله يزود التومية بقي وبيبسي وظبطينا ..
ادم قرب من مكتبها وقال..
ادم بعد اذنك يا ريم .. تعالي ورايا علي مكتبي نراجع شغل ..
ريم ببرود تحت امرك يا مستر ادم ..
ادم دخل مكتبه وهو مضايق من برودها .. كانت دايما بتقوله يا دودو حتي لو قدام الناس و رغم انه كان بيضايق بس دلوقتي اضايق اكتر أما قالتله يا مستر ادم ..
ثواني و الباب خبط و ريم دخلت اتفضل يا مستر يا ادم ..
ادم احم .. خلصتي كل الشغل اللي قولتلك عليه ..
ريم ايوا .. والفايل علي مكتب حضرتك ..
ادم تمام .. انتي كويسة 
ريم و مبقاش كويسه ليه .. انا تمام الحمد لله ..
ادم يمكن عشان لسه سايبين بعض امبارح .. بس ما شاء الله عليكي عرفتي تتخطي الموضوع بسرعه اوي ..
ريم عادي كل شي قسمه و نصيب .. بعد اذنك ..
ريم خرجت وسابت ادم جوا دوامه كبيرة .. هيتجنن انها قدرت تنسي كل حاجه بسرعه كده ..
أما ريم ف خرجت من مكتبه وراحت علي مكتبها .. سمحت ل دموعها تنزل .. قلبها كان بيغرق جوا بحر الدموع اللي جوها ... مسحت دموعها بسرعه قبل ما حد يشوفها وكملت شغل ..
خلص اليوم و ريم كانت واقفه مستينة تاكسي .. جه ادم وكان راكب عربيته وقف قدامها