رواية كاملة وجديدة بقلم لؤلؤة محمد مكتملة لجميع فصول .... ( غرام و رسلان التركي)
وبجد لو عاوز نعيش حياه طبيعيه يبقى احنا الإتنين نسيب الشغل ده
رسلان بس أنا بحب شغلي وأنا الراجل يا غرام
غرام بسخريه يبقى للأسف يا رسلان طرقنا مش هتتقابل
رسلان ده أخر كلام عندك
غرام أيوه ده أخر كلام عندي
رسلان طب تمام عن اذنك
رسلان خرج هو علي راح فين يا حاجه
أم عاكف راح البيت يعرفهم إن غرام هتبات هنا يابني
رسلان بابا ماما يلا هنمشي أنا اشتريت البيت اللي في الشارع اللي ورا
أحمد ليه يابني هو حد مننا زعلكم في حاجه
رسلان بضيق وڠضب لأ ياعمي العيب عندي أنا لو سمحتي يا ماما لمي حاجتك انتي وبابا على أما أجهز حاجتي وقام بسرعه دخل أوضته وبدأ يلم حاجاته الباب خبط
علي دخل وقفل الباب أنا عارف انت عاوز تمشي ليه
رسلان مردش كمل اللي بيعمله حتى مبصلوش
علي غرام بتحبك
رسلان وأنا كمان بحبها بس هي اللي بنت بينا ألف سد مبقيناش ننفع لبعض بالعند ده يا علي
علي ممكن أفهم ايه اللي حصل
رسلان ساب اللي في ايده وبص لعلي وحكاله الحوار اللي حصل بينهم
رسلان علي أنا مهما كان راجل وهي بنت
علي زي ما انت ليك شغلك اللي بتحبه هي كمان ده شغلها اللي بتحبه
رسلان بصله جامد علي خلاص اقفل الحوار ده مبقاش ليه لازمه
جهز حاجته ووالده ووالدته كمان ومشيوا راحوا بيتهم الجديد كان رسلان بعد تلات بنات من الخدمات ينضفوا البيت ويجهزوه دخل أوضته وقعد على السرير وهو حاسس إنه تايه في صحرا مش عارف الشمال من الجنوب ولا الشرق من الغرب لأول مره معرفته في تحديد الإتجاهات متساعدوش حاسس بعقله مقفول وقلبه مكسور مش عارف يعمل ايه أو يتصرف ازاي مش قادر يصدق إن غرام فضلت الشغل عنه
رسلان الدنيا بتضيق على قلبي أوي يا أمي
إلهام طب ماتوسع انت قلبك للدنيا
رسلان بصلها باستغراب أوسع قلبي للدنيا ازاي
إلهام بابتسامه انك تستحمل ضيقها لحد ماتفرج ضاقت ولما استحكمت حلقاتها فرجت وكنت أظنها لا تفرج لو ضاقت من الدنيا واسعه من رحمة ربنا اللي قال في كتابه العزيز ورحمتي وسعت كل شيء ۚ فسأكتبها للذين يتقون ويؤتون الزكاة والذين هم بآياتنا يؤمنون خليك واثق إن ربنا دايما جنبك ومعاك ووقت ماتحتاج تتكلم مع ربنا قوم اتوضى وصلي وقتها بتكون بين ايديه وقوله كل اللي في قلبك وانت واثق إنه هيحلها وخليك عارف إن مهما اتأخر فرج ربنا جاي يعني جاي بإذن الله وممكن يجيلك أحسن من اللي كنت طالبه كمان اطلب من ربك على قد رحمته ومش وحش إنك تكون طمعان في كرم ورحمة ربنا ده الطمع في كرمه ورحمته حاجه جميله أوي
إلهام ويديمك ليا انت وأبوك ده انتوا سندي وضهري يابني يلا بقى أسيبك ترتاح وخرجت
رسلان قام اتوضى وجاب المصليه وبدأ يصلي وأول ماسجد سبحان ربي الأعلى سبحان ربي الاعلى سبحان ربي الاعلى _ يارب ريح قلبي يارب اجعلها من نصيبي ومتوجعنيش فيها أبدا يارب
وبعدين حاول ينام بس تفكيره في غرام مش مخليه عارف ينام وعامله إرهاق
________________
عند غرام كانت نايمه على السرير وروان نايمه جنبها بس غرام مش نايمه بتفكر يعني كان هيحصل ايه لو اتنازل عن غروره وتكبره ده شويه لأ وبيقولي أنا اللي فضلت شغلي عليه طب ما فضلت شغلك عليا الأول نفسي أفهم بيفكر بأي عقل وأي منطق اللي يخليه عاوز نعيش حياه هاديه ومستقره ومش عاوز يسيب شغله هو شغلي أنا بس اللي هيقل هدوئنا واستقرارنا انسان بعقليه متخلفه
يتبع
٢٣
عدى اسبوع وكان رسلان بيحاول ميدخلش في أي مهمه مع الۏحش أو حتى يشوف غرام ولو صدفه
كان قاعد في مكتبه سرحان في اللي وصلوله بعد ماكان طلبها من والدها وخلاص الفرحه بدأت تدخل قلوبهم وازاي طارت فجأه كده من غير حتى ما يعملها حساب طلعه من سرحانه رنة فونه السلام عليكم ايه يا أمي محتاجه حاجه
الأم پبكاء وحزن الحقني يا رسلان أبوك .. أبوك يا رسلان عمل حاډثه واحنا دلوقتي في المستشفى
رسلان قام من مكانه بسرعه ازاي مستشفى ايه
قالتله عنوان المستشفى ورسلان راح على هناك وسأل عن اسم والده وكان في العمليات
رسلان حصل ايه يا ماما
إلهام الدكتور بيقول حالته خطړ يا رسلان واڼهارت في العياط رسلان وقف مصډوم مش قادر ومش عارف يتكلم
في الوقت ده وصلت عيلة غرام بعد ماعرفوا من إلهام اللي حصل ورأفت حضنت إلهام وبقت تواسيها ورسلان افتكر إنه عمره ما لجأ لربنا ورده أبدا سأل ممرض في المستشفى على مكان للصلاه ويكون قريب منهم والممرض ډخله أوضه فاضيه وجابله مصليه ورسلان اتوضى وصلى وفضل يدعي ربنا كتير وهو بيصلي
غرام خبطت ودخلت لقت رسلان قاعد على السجاده وساند ضهره على الحيطه وسرحان
غرام عمرك ماكنت ضعيف كده
رسلان بحزن طاغي على صوته وملامحه مصدر قوتي في العمليات
غرام لازم تجمد عشان تقدر تسند والدتك
رسلان وأنا مين يسندني
غرام هو ضهرك ميقدرش يسندك انت راجل يا رسلان
رسلان ضهري في العمليات يا غرام مش عشان أنا راجل ابقى أقدر أستغنى عن أبويا بالعكس ده هو سندي وضهري وحمايتي وأماني مهما كنت قوي وشجاع هيفضل هو أماني ومأمني ومش أنا وبس أنا وانتي وعلي وغيرنا وغيرهم كلنا يا غرام فراق الأب أصعب وأسوء حاجه ممكن تمر على الإنسان وقتها بيكون ضهره مكشوف لأن اللي كان بيحمي ضهره راح كل حاجه بتبدأ تقع بقى الأب العمود الأساسي للبيت اللي لو وقع كل حاجه هتقع معاه مين يقدر يعيش ثانيه واحده من غير أبوه اللي رباه وكبره وعلمه وخلاه بني أدم يمشي بين الناس عارف قيمته ومكانته الأب ده أحن إنسان في الدنيا ويمكن أحن من الأم كمان ممكن بيقسى شويه لكن بيقسى عشان مصلحتي عشان يطلع مني راجل صح مش عيل هفأ مدلع بيقسى عشان أقدر أقف على رجلي وأتعامل مع الوحوش اللي موجوده في الدنيا دي دلوقتي تصدقي حتى في قسوته حنين ممكن وقتها مكنتش أعرف قيمة قسوته دي وكنت شايف إنه صعب ومبيحبنيش بس بعدين لما كبرت وعقلت فهمت إنه كان شايف مستقبل أنا مكنتش قادر أشوفه ولا كنت عارفه ولا حاسس بيه بس دلوقتي فهمت فهمت فهمت يا غرام فهمت كل حاجه
غرام بحزن فهمت ايه
رسلان بدموع فهمت إني مقدرش أعيش من غير اللي خلاني راجل مش ذكر
غرام باستغراب وايه الفرق ماهي نفسها
رسلان لأ طبعا كل رجل ذكر وليس كل ذكر رجل
